कंत्राटी डॉक्टरांच्या नेमणूका रद्द करा : जि.प. सदस्य जितेंद्र पाटील यांची मागणी
सांगली : सांगली जिल्हा परिषदेचे मुख्य कार्यकारी अधिकारी चंद्रकांत गुडेवार यांनी कंत्राटी डॉक्टरांच्या नेमणूका करताना कायदा पाळलेला नाही. त्यांनी ही चूक मान्य करावी. सध्याच्या नेमणुका रद्द कराव्यात आणि नव्याने नेमणूक प्रक्रिया राबवावी, अशी मागणी जिल्हा परिषदेचे सदस्य जितेंद्र पाटील यांनी आज येथे पत्रकार परिषदेत केली.
ते म्हणाले, '"जिल्हा परिष देने करारावर ३०६ डॉक्टरांची निवड केली. परीक्षा घेऊन त्यातून निवड करण्यात आली. १५८ पुरुष आणि १४८ महिलांची निवड झाली. त्यांना नेमणुका कशा द्याव्यात, याबाबत राज्य शासनाची मार्गदर्शक सूचना मार्च महिन्यात प्राप्त झाली होती. त्याकडे गुडेवार यांनी सपशेल दुर्लक्ष केले. या सूचनेनुसार, आधी सीईओंनी डॉक्टरांना त्याच्या गावाजवळील उपकेंद्रात नेमणूक द्यायला हवी होती. कोठीचा साथ आटोक्यात आल्यानंतर समुपदेशनाने त्यांना नेमणूक बदलता आली असती.
गुडेवार यांनी आता कोरोना संपलाय, असा युक्तीवाद करणे चुकीचे आहे. कारण, जिल्ह्यात जमावबंदी आहे. मयताला २० आणि लग्नाला ५० लोकांवर कुणी जमवू शकत नाही. इथे ३०६ लोकांची गर्दी करून काय हासिल केले. ही प्रक्रिया चुकीचीच होती. त्यांनी ४० ठिकाणी प्राथमिक आरोग्य केंद्राच्या अगदी नजीक असलेल्या गावातील केंद्रांवर डॉक्टरांना नेमणूक दिली आहे.
