अपचानापासून सुटका मिळवा
अनियमित दिनचर्या आणि खान-पानामुळे अपचनाची समस्या निर्माण होते. यामुळे पोटात गॅस किंवा वाताची समस्या होते आणि याच ‘गॅस्ट्रिक ट्रबल’मुळे शरीरात इतर आजार निर्माण होतात. हळदीमध्ये ऍण्टिइंफ्लामेंट्री आणि ऍण्टिफंगल तत्व आढळून येतात. अनेक आजारांमध्ये हळद औषधीचे काम करते. विशेषतः पोटाच्या आजारांमध्ये! थोडीशी हळद थंड पाण्यातून घेतल्यानंतर दही किंवा केळ खा. नारळपाणीही गॅस, ऍसिडिटीच्या त्रासात औषधीचे काम करते. हे व्हिटॅमिन आणि पोषक तत्वांनी भरलेले असते. नारळपाण्याच्या सेवनाने पोटाचे आजार दूर होतात. गॅस, ऍसिडिटीत आलं रामबाण औषधीचे काम करते. थोडेसे वाळलेले आले चहामध्ये टाकून घेतल्यास गॅस, ऍसिडिटीमध्ये लगेच आराम मिळेल. आल्यामध्ये ऍण्टिबॅक्टेरियल आणि ऍण्टिइंफ्लामेंट्री तत्व आढळून येतात. यामध्ये पोटदुखीची समस्या लगेच दूर करण्याची क्षमता आहे. आल्याच्या सेवनाने गॅस, ऍसिडिटीची समस्या निर्माण करणारे विषाणू नष्ट होतात. वाळलेल्या आल्याचा काढा करून पिल्यास गॅस, ऍसिडिटीचा त्रास दूर होतो. थोडेसे मेथीदाणे, हळद आणि हिंग, जिरे एकत्र करून चूर्ण तयार ठेवा. जेवण झाल्यानंतर हे चूर्ण ताकामध्ये टाकून घ्यावे. गॅस आणि ऍसिडिटीची समस्या मुळापासून दूर होईल. जिरे खाल्ल्याने पचनक्रियेशी संबंधित समस्या दूर होतात. असा त्रास सुरू झाल्यानंतर एक चमचा जिरे पावडर थंड पाण्यातून घेतल्यास आराम मिळेल.
