फिनोलेक्स इंडस्ट्रीज व मुकुल माधव फाउंडेशन पुणे यांच्या वतीने सांगली वृत्तपत्र विक्रेत्यांना मास्क व पावसाळी टोपीचे वाटप
फिनोलेक्स इंडस्ट्रीज व मुकुल माधव फाउंडेशन पुणे यांच्या वतीने सांगली वृत्तपत्र विक्रेत्यांना मास्क व पावसाळी टोपीचे वाटप करण्यात आले. महाराष्ट्र राज्य वृत्तपत्र विक्रेता संघटना सलग्न सांगली जिल्हा वृत्तपत्र असोसिएशनच्यावतीने विक्रांता एजंट या कार्यक्रमाचे आयोजन करण्यात आले होते.
व्यवसाय-उद्योजकता या बरोबरच सामाजिक भान जपत विविध सामाजिक उपक्रम राबवणारी फिनोलेक्स इंडस्ट्रीज व मुकुल माधव फौंडेशन पुणे यांच्यावतीने वृत्तपत्र विक्रेत्यांना मदत करण्यात आली.
कोरोनाच्या संकटकाळातही वृत्तपत्रांच्या माध्यमातुन जनतेपर्यंत खऱ्या व वस्तुनिष्ठ बातम्या पोहचवण्याचे काम वृत्तपत्र विक्रेते करीत आहेत. त्यांच्या या कामाचे कौतुक करीत फिनोलेक्स इंडस्ट्रीज ने त्यांना सुरक्षा साधने पुरवली.
यावेळी फिनोलेक्स इंडस्ट्रीज लि.चे सांगली जिल्ह्याचे विक्री व्यवस्थापक शिव शंकर आना व सहव्यवस्थापक श्री परशुराम ओले कर, सांगली जिल्ह्यात फिनोलेक्स कंपनीचे वितरक देसाई मायक्रो इरिगेटर्सचे मालक दीपक भाई देसाई व व्यवस्थापक समीर दोशी, दिवेकर मार्केटिंग असोसिएटसचे मालक धनंजय दिवेकर व सचिन दिवेकर तसेच महाराष्ट्र राज्य वृत्तपत्र विक्रेता संघटनेचे उपाध्यक्ष विकास सूर्यवंशी, जिल्हा संघटक सचिन चोपडे, शहर जिल्हाध्यक्ष शिवाजी काकडे, कार्याध्यक्ष विशाल रासनकर, खजिनदार दत्तात्रेय सरगर, मनपा क्षेत्र अध्यक्ष सचिन माळी, संघटक सुरेश कांबळे, संजय कांबळे, सांगली शहर अध्यक्ष अमोल साबळे, कुपवाड शहर अध्यक्ष बाळासो पाटील यांच्यासह संघटनेचे पदाधिकारी व विक्रेते उपस्थित होते.
