कोळी समाज कायदा शिबिरास प्रतिसाद

 

सांगली : कोळी समाजाचे प्रलंबित प्रश्‍न आणि दाखल्यामध्ये दोष काढून अनेकांच्या नोकरीवर आणण्यात

आलेले गंडांतर यावर कायदे शिबिरात अँड. के. एन. कांदेकर, अँड. श्रीकांत पन्हाळे, डॉ. मनोहर कोळी, प्रा. बी. एस. गुरव यांनी मार्गदर्शन केले.

येथील नगरवाचनालयामध्ये महर्षी वाल्मिकी चॅरिटेबल ट्रस्टच्या वतीने याचे आयोजन करण्यात आले होते. यावेळी ते बोलत होते. अँड. कांदेकर यांनी औरंगाबाद उच्च न्यायालयातील अधिसंख्यपदाच्या  केसेसबाबत

मार्गदर्शन केले. डॉ. कोळी यांनी अधिसंख्य पदावरील कर्मचार्‍यांचा प्रश्‍न मार्गी लावण्यासाठी मुख्यमंत्री उद्धव ठाकरे यांची भेट घेऊन चर्चा करा, असे आवाहन सभेचे अध्यक्ष जयेश तरे यांना केले. अध्यक्ष एकनाथ सूर्यवंशी यांनी प्रास्ताविक केले. उपाध्यक्ष सहदेव कोळी, आर. जी. कोळी, अरुण कोरे, गुंडा कोळी, आप्पासाहेब कोळी, विलास मस्के आदी पदाधिकारी यावेळी उपस्थित होते.