सांगली : सांगली महापालिकेच्या शाळा इंग्रजी माध्यमाच्या शाळांच्या तोडीच्या आहेत. त्यामुळे महापालिका
शाळांकडे विद्यार्थ्यांचा ओढा वाढतो आहे, असे गौरवोद्गार कोल्हापूर विभागीय शिक्षण उपसंचालक महेश
चौथे यांनी काढले.
चोथे यांनी महापालिकेच्या शाळा क्रमांक २३ या मॉडेल शाळेला भेट दिली. आयुक्त नितीन कापडणीस आणि उपायुक्त राहुल रोकडे यांनी शाळांच्या दर्जात्मक सुधारणेसाठी सुरू केलेल्या प्रयत्नाचे कौतुक केले.
महापालिकेच्या अनेक शाळांचा दर्जा खासगी शाळांपेक्षाही चांगला आहे. त्यामुळे मागील वर्षभरात महापालिका शाळांकडे ७०० विद्यार्थी वाढले आहेत. आयुक्त कापडणीस यांनी शाळा क्रमांक २३ ही एक मॉडेल शाळा म्हणून विकसित केली आहे. याशाळेला चोथे यांनी भेट दिली. शाळेचे व शाळेमार्फत राबविल्या जाणार्‍या उपक्रमांचे कौतुक केले. विद्यार्थ्यांनी इंग्लिशमधून विविध कलांचे सादरीकरण केले. या शाळेच्या भेटीनंतर चोथे यांनी संपूर्ण टीमचे कौतुक केले. शिष्यवृत्ती परीक्षेबाबतही सूचना दिल्या.
प्रशासन अधिकारी पोपट मलगुंडे, लेखापाल गजानन बुचडे, कनिष्ठ अभियंता मंदार कारंडे, केंद्र समन्वयक रवींद्र शिंदे, संदीप सातपुते, मारुती माळी, मुख्याध्यापक ममता नायकुडे, दीपाली वास्ते, उज्ज्वल साठे, नजमुनींसा शेख, विशाल भोंडवे उपस्थित होते.
